ngaran barang pakakas dapur di imah urang sunda

Pamiarsa sakira -  kirana naon wae anu umumna mangrupa barang anu dipibanda ngajugrug aya di imah.

Nyampurnakeun kagiatan dina keur masak popolah atawa kasibukkan sejena.

Sawareh geus taya anu dipake dina harti ditinggalkeun sabagian pakakas. Lantaran pangaruh kamajuan tehnologi efisiensi jeung efektifitas. Atuh satuluyna aya nu masih dibutuhkeun eta pakakas teh sanajan salin jinis robah bahana mungkul, teu cara bareto.

 

1. Hawu

Hawu paranti nagenkeun aseupan dina luhureun tungku. Hawu mangrupa alat masak anu dijieun tina adukan semen kenca katuhu  hareup tukang ditembok. Palebah luhurna bolong jeung disadiakeun jang suluh ngarah hurung seuneu ngabebela.

2. Songsong

Songsong nyaeta alat paniup hawu supaya terus hurung panas tereh asak pasakan. Bentukna songsong buleud panjang bolong dijieun tina awi.

3. Langseng

Langseng paranti ngagodog naheur cai, bisa oge dipake nyangu atawa ngukus. Langseng dijieun tina tambaga bentukna saperti tabung.

 

4. Dulang

Bentukna dulang bunder liang gede tina biwir luhur nepi ka jero. Dulang dijieun tina awi paranti nutu ngabebek samara bungbu atawa beas, carana make lisung nyaeta alat paneunggeul.

5. Nyiru

Nyiru dijieun tina anyaman awi anu bentukna  kerep nutup siga ayakan mah carang barolong, tapi nyiru mah henteu. Nyiru dipake pikeun moekeun sesa kadaharan sangkan teu bari haseum supaya seger deui meueusan. Pon kitu supaya beas beresih sina murudul ngacleng keusik kokotorna ku cara ditapi make nyiru.

6. Coet

Wadah paranti nyieun sambel nyaeta coet. Dijieuna coet tina batu pahatan, aya oge anu tina bahan kai.

7. Mutu

Mutu mangrupa alat ngarendos ngarah lemu ancur anu diwadahan kana coet. Ampir sarua bahan jieunan coet mutu. Mutu bahana tina batu tatahan, bisa oge tina awi kuat.  

8. Boboko

Boboko nyaeta wadah sangu anu dijieuna tina anyaman awi, tapi aya oge anu bahana tina palastik.

 

9. Hihid                                                                                                                                                           

                 

Hihid dipake ngageberan niupan sangu panas akeuleun make tanaga leungeun ku cara dikipas kipas, ngangin ngangin ngarah tereh haneut, sahanteuna teu panas teuing lamun sangu didahar teh. Bentukna persegi make gagang.

10. Citel

Alat masak sarwa guna nyaeta citel papanjangna tina palastikk jeung katel. Citel dijieuna tina waja atawa aluminium.

11. Piring

Tangtu piring mangrupakeun wadah sangu paranti dahar. Sasahage geus moal bireuk deui. Ngan piring jaman baheula dijieuna tina seng, kabehdieunakeun piring palastik tuluy disampurnakeun nambahan piring beling.

12. Cangkir

Wadah paranti inuman nya tangtu make cangkir etamah dijieun tina palastik. Aya deui anu dijieunn tina seng nyaeta mug. Tuluy nambahan deui gelas beling. Kamonesan aya numake batok kalapa.

13. Aseupan

Aseupan dijieun tina awi anu dianyam bentukna kerucut atawa congcot. Aseupan nyaeta pikeun ngukus sangu.

14. Ayakan

Ayakan dijieun tina anyaman awi carang barolong. Kagunaana pikeun nyaring milihan ngawilah atawa ngagaringkeun lauk anu rek dijieun asin dikere, digantung sina garing satuluyna dipoekeun.

15.Tolombong

Tolombong bahana tina awi dianyam carang tapi rada saeutik aya tutupan. tolombong parnti ngawadahan barang rupa rupa anu baradag rea jeung sagala aya.

16. Tatakan

Tatakan nyaeta tilam gelas anu nyengcle dina luhureun alas. Tatakan aya anu dijieun tina awi, aya oge anu tina palastik, bentukna buleud

17. Tampir

Tampir katelahna nyiru badag, dijieuna tina anyaman awi rubak Panjang buleud.

18. pipiti

Pipiti dijieuna tina anyaman awi buka tutup. pipiti paranti wadah idangan syukuran hamin hajatan kawinan atawa nyunatan.

19. Susuk

Susuk dijieun tina aluminium. Kagunaana jang paranti ngabulak balikeun pasakan dina katel bisi tutung.

20. Serok

Ampir sarua serok jeung susuk, bedana ari susuk mah leutik bentukna ngan lamun serok aya paranti panyaringan barolong. Serok dijieun tina tambaga anu gagangna dijieun tina awi.

21. Siwur

Siwur atawa sinduk paranti nyiuk angeun sayur. Sinduk dijieuna aya tina palastik, oge aya anu aya tina awi. Bentukna ngeluk huluna maringkel.

22. Cukil

Cukil dijieuna tina awi, aya oge anu tina palastik. Cukil bentukna dempak. Kagunaan cukil nyaeta paranti ngakeul ngagalokeun  sangu ngarah pulen teu liket.

23. Baskom

Baskom paranti wadah dahareun, olaheun sabangsaning kueh atawa adonan jeung sajabana.

Baskom bentukna rubak buleud, djieuna tina palastik.

24. Loyang

Loyang dijieuna tina alluminium. Kagunaan Loyang nyaeta pikeun citakan kueh atawa bolu.

Loyang bentukna rupa rupa aya anu persegi Panjang, aya deuih anu buleud.

25. Isrud

Isrud nyaeta parudan gede paranti marud sampeu atawa hui boled. Isrud dijieuna tina aluminium.

26. Garpuh

Garpuh paranti nojos nyecebkeun dahareun dihuapkeun kana biawir am disantap. Garpu dijieuna tina bahan staninless steel, aya oge anu dijieun tina palastik.

27. Pago

Kagunaan pago nyaeta tempat rak teuteundeunan saperti piring sedok gelas jeung sajabina. Dina basa sunda rak piring disebut pago.  Bentuk pago aya anu jangkung aya deui anu pondok. Pago dijieuna tina kawat beusi. Tapi aya deui anu tina palastik.

28. Peso

Peso alat paranti ngeureut motong. Dijieuna tina stainless stell.

29. Bedog

Bedog dijieuna tina waja keras meunang meuleum , ku pandai besi burahay panas. Bentukna mencos make perah awi gagangna. Gunana bedog nyaeta pikeun nuar atawa ngadek.

30. Jojodog

Jojodog fungsina paranti diuk. Jojodog dijieun tina balek kai seseg tohaga.

31. Lap pangepel  & serbet

Serbet sok disadiakeun jang nyusut cai baseuh urut kukumbah wadah dina luhureun bujal. Komo deui lamun anu dihandapmah sok make lap pangepelan sangkan garing.   

Ojalal Goer

Ojalal Goer

indung bapana ahmad kacida fanatikna kana agama. sieun kabawa ku sakaba kaba komo jaman kiwari inggis kapangaruhan anu teu paararuguh. antukna ahmad sina ngaji di pasantren anu jarakna teu jauh ti imahna.sanajan santri kalong ngaji saukur peuting mungkul teu cicing di asrama. kangarana budak, atuh ahmad kabeneran keur mumul ngaji masih resep ulin ngulampreng abring abringan jeung babaturana nyampeurkeun reog aya lalajoaneun.

ballik ka imah ditanya ku indung babana : "geus timana  ahmad"? euh anu pa parantos ojalal goer," walon ahmad,

saliwat kecap eta siga bahasa arab padahal lamun dibalikkeun maksudna lalajo reog. "oh enya atuh" tembal bapana teu ngartieun naon cenah ojalal goer nupenting aya araban.

Tawadu

herman katelah jalma tawadu diantara babaturan mah. kalem basajan tenang tara loba ngomong.

komo lamun jajan ka warung ku babaturana sok ditratir.  lain nanaon dijajanan teh sabab herman kaasup jalma tawadu, singgetan tina tara mawa duit.

Mamanjawa

aya nu nyaho kapanjangan tina naon mamanjawa? hartina ngaran maman asal ti jawa cenah.

pituin urang sunda maman teh naha bet ditungtungan embel embel jawaan. pangna kitu dilandih mamanjawa henteu ka maman mungkul tapi ka sakur sakur jelelma anu dangdana teu maratut teu pantes mahiwal dotcom.contona make calana cutbray kahandap, baju logor gombrang tangan pondok. topi golf kacamata renang. jadi mamanjawa singgetan tina mamantes maneh jaba ngewa.

Otw

hayu urang otw keur usum istilah eta sabenerna geus lila. anu jelas dimaksud pikeun urang sunda mah nyaeta "ok tungguan we"

Atm

ku kacanggihan teknologi sagala sarwa praktis gampil babari teu kudu mamawa duit gede dina loket. riba ku babawaan bisi murag loket beurat nyakuan matak hariwang kacopetan saupamana. kari nyampeurkeun atm alias artos tina mesin golosor nyorolok muka cokot weh duitna. kade poho kartu tinggaleun atawa kateureuy kajero.

Sospol

si ujang loba anu teu dipikaresep ku sasaha ge lantaran ngomongna sompral garihal pertentang jeung waeh ngajak debat embung eleh lamun diajak ngobrol teh. si etamah si sospol alias sosorongot bari popolotot.komo lamun kadituna heuras genggerong.  

Kagorengan

pacabakan dadang jadi tukang kagorengan sapopoe. teu aneh sing saha jalma anu ngadeukeutan manehna kabawa hawa panas ngaheab, letah hayang nyapluk barang dahar. singhoreng dadang dagang gurang goreng nyieun bala bala gehu cireng jeung sajabana.    

jarum super

"manehmah kacida pisan teu ngajenan ka semah anu datang ka imah, unggal keketrok panto uluk salam. hanteum suwung euweuh sasaha. geus ayeunamah urang sebut jarum super nyaera jarang di rumah suka pergi". ngulampreng aprak aprakan teuing kamana inditna.

Uniko

udin menta duit ka kolotna, bebejanamah jang mayar kaos training olahraga skola slta manehna. anu kuduna rp, 50.000 dileleuwihan jadi rp. 60.000 lumayan sesana jang meuli kuota. udin kawilang pinter geus ngabogaan jiwa bisnis mana pibatieun sakira nguntungkeun. hade pisan bisa usaha nipu kolot. 

alias uniko.  

Vegetarian

bedana jalma anu ngagem vegetarian antara nu beunghar jeung anu sangsara, aya nu nyaho naon cik?

jawaban anu kaharti ku akal mah nyaeta, nu beunghar milih vegeratian ku sabab bosen loba duit meulian wae daging gonta ganti rek daging sapi, hayam, entog, manuk lamun perlu meuli daging oray di dahar. tuluy sadar leuwih mentingkeun kasehatan diri. ku ngeureunan pindah kana dahareun sayuran. sedengkeun jalma sangsara mah rek dahar jeung daging kumaha euweuh duit jang meulina. keun bae asal asup sangu kajeun jeung asin tunjuk ge alias uyah. 

Ppg

treeeeet neung notifikasi wa group mere nyaho peuting peuting kepala sekolah ngabewarakeun wireh salah saurang guru, minangka anak buahna ngarana Sri nyumpon syarat pikeun nyangking ppg.

" wilujeng bu Sri ppg na semangat sing suhud", kitu tulisan teks wa.

ditembalan ngalonyeng ku salah saurang guru sejenna tukang banyol poknateh kieu dina tulisan group wa " wilujeng kanggo bu Sri ppg_na atuh kanu guru sanesnamah wilujeng wengi wilujeng leleson jalaran waktosna bobo hehe ditungtungan gambar emoticon boneka nyegrek kerek. 

Tegar

ngaran aslina ujang, ngan sok dipapanjangan ku babataruna ditambahan embel embel ujang tegar. 

teu salah dilandih tegar, lantaran ujang kasebut ludeung teuneung teu eraan tara asa - asa lamun geus aya kahayang sok punta penta kasasaha boh kanu wawuh atawa karek anyar pinanggih, pangpangna udud.

ujang tegar nyaeta papanjangna singgetan teu boga kaera.

Semah

lamun urang kadatangan semah boh dulur atawa batur datang ka imah. heug kaayan tuan rumah keur rungsing rieut sirah.  riweuh leneng kana uteukns alatan teu boga duit wah ninggang piambekeun sigana. teu rek kitu kumaha kudu nyadiakeun lalawuh teh manis, roko nyuguhan.  

memang bener babasan ngaheureuykeun anu ngahartikeun semah nyaeta ngahesekeun nu boga imah.  

Hp

lamun aya nu nanyakeun singgetan tina naon cenah hp ? jawaban anu bener mah nyaeta lain hulu peda, hayam pelung etamah geus teu usum. tapi harewos patebih.

Wisuda

pikeun sabagian lulusan paguron luhur atawa mahasiswa anu rengse nyuprih nungtut elmu tinangtu reueus bungah ngemplong geus namatkeun tugasna. giliran neangan gawe jadi tugas pokok anu gancang diteangan.meunang pacabakan ulah nepi ka randapan wisuda kalahka singgetan tina wilujeng sesah damel.