awak meni karasa beurat beurat teuing kunaon ieuteh

Beban hirup

+ Awak meni karasa beurat beurat teuing Kunaon ieu teh? Heran 

 Padahal uing mah begang leutik jangkung hampang.

- lain awak anu beurat tapi pikiran maneh, bangbaluh beban hirup meureun sakitu loba na teu katanagaan ripuh Matak beurat.

Bansos

Gorombolan lauk pating kocepat hareureuy gogonjakan silih simbeuh silih udag patarik tarik lumpat eh ngojay marawa KK &  KTP.

Sieun teu kaagehan cenah dina nyanghareupan pemilu rek muru Imah ketua RT anu keur ngabagikeun bansos.

Pasanggiri

Saurang biduan kontes nyanyi ngadat ngamuk Ka dewan juri. Gogorowokan geus beak dengkak ngaluarkeun Sora sakitu tarikna nepika beak cape ngadadak peuyeuh.

Sabab manehna teu mayar duit pendaftaran.

Maksa nyanyi sorangan di panggung tuluy

Ku panitia teu dibere nginum nginum acan.

Pajero

Lamun panumpang anu naek Kana mobil pajero pinuh loba pajejel. Hayang milu Kabeh ngarah kabawa.

Pajarkeun betah ngageleser tiis nyelecep hawa ac diuk tumaninah.

Moal atuh nuaya kalahka kaangseu ngahiliwir bau kesang tujuh rupa. Pajero diganti ngarana jadi padedet dijero. moal ngeunaheun Duk dek heurin hese hitut hitut acan.

Kolor Abah vs color TV

Naon bedana kolor Abah Jeung color TV?

Ari kolor Abah mah deukeut logor morosot sawarna tanpa motif dicekelan leungeun. 

Lamun color TV mah pageuh ditunda di bufet jauh loba warna gunta ganti di oper oper ku remote. 

Nasi

Salian ti nasi kuning, nasi timbel, nasi kebuli, nasi uduk, nasi naon anu pangalus alusna matih Rahayu pikeun lumangsungna barokah kasalametan hirup?

Nasi_hat kedua orang tua 

MBK

Ibu ibu anu keur ngariung ngalobrol dina golodog Imah pating burisat ngejat ngaleos. Kadenge sora budak leutik leumpang bari nyarita MBK MBK dititah meuli Ka warung ku indungna. Samaruk ceuli ibu ibu mah datang patugas bank emok rek nagih angsuran bulanan. Padahal MBK ieu mah singgetan Tina Mengatasi Bau Ketiak paranti kelek ngarah seungit.

Nitip 

Sarengse akad nikah beres kalayan sah lancar. Panon panganten awewe rambisak kagagas ngemplong anu dicita citakeuna laksana.

Bapa panganten awewe cengkat nangtung ngaharewos ngadeukeutan ditompokeun Ka ceuli panganten lalaki minantuna nyarita pokna " dititipkeun budak bapa Ka hidep omat urus talingakeun boh nafkah lahir reujeung batin. Sakalian pangmayarkeun cicilan motor geus kaliwat jatuh tempo, bapa teu boga duit koredas pisan apan beak dipake ngalaksanakeun hajat.

Pacilingan

+ "Naon sababna balita pantaran umur tilu Taun lamun kabeneran nempo bapana Keur dahar ngadadak si balita Ujug ujug Bebeja Palay EE hareupeunana?

- " lantaran meureun ceuk pikiran balita anu keur dahar teh lain bapana tapi Pacilingan tempat miceun kokotor dubur

       

Mirip

-   "Naha budak teh  ngala  Ka bapana mirip"

 -  "wajar atuh ngala Ka indung atawa bapana Mah apan sacitakan. Tapi lamun budak teh Persis beungeut tatanggana, Komo deui 

Siga pisan urut kabogohna tangtu curiga".

Yap milu

Udin kabogoh Eva, sedengkeun Erna Babaturana Eva. Malem Minggu rencana Eva diapelan ku Udin.

Teu Lila torojol Udin datang Ka Imah Eva bari gigireuna Aya Erna. 

Tuluy Eva nyarita Ka Udin " I love you"

Udin nembalan ngayakinkeun nanya Ka Eva " you love me?"

Erna Ngan saukur bisa ngabandungan Hulang huleng can boga kabogoh.

Eva karunyaeun Ka Erna pokna

 " Yap milu nam"

  Bercocok tanam

   

Barudak jaman kiwari ABG pating cikikik nyerengeh surti apal Kana istilah bercocok tanam.

Sabab baheula bercocok tanam

Milik Patani lamun rek tandur melak pare. 

Ayeunamah lain, bercocok tanam ngandung harti lemes kikituan cenah hubungan suami istri alias sapatemon sosonoan.

 Ngaran group band ku angka

Arman = sebatkeun group musik numake angka?

Komar = avenged seven fold

Edi        = dewa 19

Ujang   = trio macan, duo srigala

  Birit

Saurang guru keur nerangkeun basa Sunda Di kelas . Kecap birit Anu Kahiji Hampang Birit Hartina daekan dititah. 

Anu kadua  beurat Birit nyaeta embung Dititah kedul.

Tuluy Asep, salah saurang Muridna mere conto kieu celengkeung

Nyarita, " terbirit birit lumpat karena Bokong na burut.

Caah satia

Di kamar kasampak aki jeung Nini layeut geugeut keur silih oconan bangun embung papisah rek satia. Sedengkeun di luar hujan badag dor Dar gelap. Pret ngadadak lampu pareum poek ngalantarankeun aki cape tunduh langsung sare ngaguher balas gawe sapoe jeput. Nini sarua ngedeng milu sare nuturkeun si aki. Padahal imahna geus Ka keueum ku cai motah ngagulidag caah badag. 

  

   

Si Beureum kuleuheu

Kuring boga motor Honda vario warna beureum hurik belel, kaluaran taun 2014 pamere mitoha. 

Sabenerna ieu motor kungsi dipake ku Adi beuteung. Mangsa keur Diklat polwan di Sumedang. Sigana Kajongjonan teuing sibuk ngiluan loba kagiatan urusan kapolisian samemeh di istrenan anggota ASN polri.

Ku adi beuteung pangawakan awewe tea atuh, Meureun teu boga waktu atawa poho ganti oli kaliwat garing koredas.

Antukna motor Honda Vario ngadat mogok di Parakan Muncang.

Turun mesin over haul dirawat dibengkel lila.

Satutas diservis dihadean motor jagjag deui normal. Satuluyna dipasrahkeun ku mitoha karunyaeun dibikeun Ka Kuring. 

Apaleun moal kabedag meuli jeung teu boga tutumpakan paranti indit inditan lamun aya perlu.

Diwariskeun caritanamah ngarah manjang mangpaat. Ngirit ongkos jang antar jemput anak ka sakola, les ngojay atawa kerja kelompok.

Moal di engkekeun ku kuring saupamana  pamajikan menta dibaturan balanja boh acara arisan sakalian ulin kukurilingan.

Motor lir ibarat suku jabaning gancang tepi ongkoh ka tempat anu dituju teu ngahesekeun teu ngalilakeun.

Pikeun Kuring atoh nu aya. Keun bae motor urut teu jadi pasualan, asal surat suratna lengkep.

Apanan genah ngageuleuyeung maju bisa udar ider nuturkeun indung suku sakahayang sorangan. 

Starter cek gur mesin hurung disada. 

Bisi rek diselah oge lancar taya halangan.

gas langsam logor kalan kalan ngaberung ngaberetek ngajak lumpat tarik lamun teu direm tahan ku leungeun. Si beureum kuleuheu ngamuk, karek dihirupan etateh padahal ngamimitian dipake manasan ngahaneutan mesin.

Kaca spion teu jejeg ngan nu dipasang katuhu ngeluk ngulahek hungkul, spion kencana kosong polos. 

Dina pingping motor Vario Aya tulisan ngajeblag warna hideung

 "Wani berik teu wani balik" tanagana lumayan keneh wani diajak balap ngebut Jeung motor liana. 

Kotak spedo meter geus teu pati herang, plastikna ngagurat rengat. 

Stang motor heuras beurat ka gigir

Karasa tapak neunggar. 

Lampu body hareup peupeus ka tojos paantel ngabadug kana tembok. Baut baut pamageuh body ngacleng caroplokan sawareh, ngan masih napel rapet.

Panutup knalpot diudar dilaan, lantaran beulah ruksak. Jok pangdiukan saroeh urut dicakar ku ucing. Katempo tiluar nolol busa koneng pucunghul. Standar nangtung ge ampir - ampiran teu ajeg sababaraha kali diomean.

Lampu sen katut lampu utama lampu bujur nyebrot caang nyokot tina struman aki masih kuat keneh kawilang lumayan alus. 

Velg motor ngahaja setelan racing. Dipasangna hareup tukang warna hideung Meles. Puteran roda ban depan kereng kurang ngagilinding mulus, ku sabab garpu segitiga kudu dibenerkeun deui. 

Ban luar anu hareup reujeung tukang bolenang ipis herang dugul, balukar na lamun make motor karasa rarampeolan siga gutak gitek napak aspal.

Tampolana ngaganti ban Jero hambur mindeng pisan, kocapkeun kempes kurang angin geus matuh.

Babarian bitu matak palaur lamun ngajalankeun keur hujan di jalan leueur dina tanjakan Atawa pudunan.

Kudu ati ati bisi tisoledat selip labuh.

                             *******

Kasang tukang sakitu panjang lebarna. 

Pinuh ku rupa- rupa kajadian anu karandapan kana kondisi fisikna dibejer beaskeun.

Kaayan motor Keur mah heubeul warna belel beureum semu kuleuheu, ku kabeneran  Kuring embung mumul ngumbah ngaberesihan deuih. 

mingkin luntur ngadagleg kotor, mingkin Sugema nyaliara.

Sakur sakur nu nempo ngareret kana motor kuring ukur ngabalieur, tara daek nempo lila.

Acuh hoream teu purun Kuring ge teuing meni kedul kacida lamun diomongan ku pamajikan Komo mitoha gegelendeng pokna " A heg Mandian atuh ngarah herang caang apan ngeunah hegar sumanget ditumpakana motor teh". 

Kuring mah sugan aya rasa era gengsi pedah mamawa motor kasebut kotor ge, biasa acuh keun bae teu milu rungsing. 

Hiji mangsa keur macet di satengahing lalampahan ngarandeg motor eureun sakeudeung laun pasarandog di jalan umum Jeung motor sejen anu aralus serab kinclong Oge, Kuring mah teu weleh percaya diri teu ngarasa minder tonggoy numpakkan si beureum kuleuheu.

Tara ieuh didenge omongan batur, pating cikikik papelong pelong ngabanding bandingkeun motor manehna Jeung motor kuring. 

Ngeusi bengsin di SPBU ngadodorong si beureum kuleuheu, tegep yakin panon ngawaskeun nungtun ngantay sanajan Honda Vario Kuring geus lawas.

Ceuli lempeng api api jongjon teu kadenge sora nanaon. Sabenerna bisa kaitung ramo motor dikumbah diberesihan, arang taun kali cohagna. Disimbeuh disemprot ku cai sabun dikosokkan make canebo, karasa wegah kitu peta kalakuanteh asa pangmahalna.

Hoream euweuh waktu, tempat pangumbahana heurin becek, cape balik gawe, sagala dijajadikeun alesan tameng saupamana motor dikumbah ge angger belok kakotoran keneh keneh.

Narajang bareng pamajikan dibonceng Kana motor, 

Ngaharewos mah puguh hoream numpakana cenah ngerakeun motor meni poek. 

Daripada Kuring Mugen ngagugu males. "keunbae dipangmayarkeun cuci steam sok atuh geura bawa kaituh"  tempas pamajikan keuheul.

Barina lebar duit atuh jang kuring mah orokaya kalahka seuri koneng kandel kulit beungeut, motor teu dikumbah lain perkara pidana pon kitu deui lain kajahatan anu teu ngarugikeun sasaha. 

Satungtung mangprung tarik bebas ngajalankeun taya halangan harungan. 

Teu ditewak razia lantaran mawa motor rujit ceuk paibasana, kanikmatan nu taya papadana.

Anggapan yen motor lamun tara diurus kunu bogana, eunteung cermin kaasup jalma teu apik jabrah jorok teu ngajaga kaendahan seni. moal mawa rudet pusing Kana pikiran Kuring barinage.

Daek dikumbah soteh ngke teuing iraha bulan sapar? Saparengna ngandelkeun purun lila teu cageur.

kalakuan tuman adat kakurung ku iga hese liat disingkahan, keuna ku panyakit kronis ngedul embung hoream dikumahakeun. 

Karesep ngantep motor kotor lodro 

kakebulan tara dielap.

Eunteup napel pageuh di diri kuring sabodo teuing.

Cuek teu paduli numpak motor si beureum kuleuheu hurik katelah si kukut kamamana, sanajan loba nungaromong jorok geuleuh euweuh kadaek ngumbah ngarah ngagenclang, saestuna

Ukur lamunan disawang ngalangkang. 

Motor motor kuring ditumpakan ku Kuring biur tarik ngagerung. dikumbah kumbah ku batur hehe sugan pangumbahkeun asal haratis, rido panuju nyiar nyiar piatoheun.

Arisan kulawarga minangka pameungkeut sillaturrahmi patepung lawung jeung papada dulur baraya

   Ilaharna masyarakat Indonesia kangaranan arisan tangtu geus teu bireuk. Teu menak teu cacah ninggang jalma jegud Atawa golongan biasa sosial ekonomina, tangtu miluan sahenteuna kungsi ngalaman arisan.

Arisan nyaeta tali pameungkeut sangkan guyub sauyunan ngahiji, kucara nginjeum duit giliran itung-itung nabung ngumpulkeun teu karasa. 

Arisan cindekna bakal meunang milik bagilir ka kabeh anggotana ngan teu tartib ngentep nomer urut, maksudna dicekclok diacak.

Mayarana nungtut nyicilan ngke dimana ngariung deui.

Dana dikoordinir dikumpulkeun sabaraha duit nu kudu disetor, sakumaha sapuk antara panitia Jeung anggota nu miluanana. 

Sabaraha jelema anu ngagabung, sabaraha nomer sanggupna, misalna bisi rek tilu nomer sakalian.

Tempat lumangsung arisan biasana ditangtukeun ku anu meunang otomatis nyadiakeun Imah, saung, cafe Atawa tempat sejena sakumaha kamampuhanana.

Anu pangeunahna dina arisan taya lian panicia kauntungan sakitu persen, boga jatah ti nu meunang minimal cenah admin asup kana pesakna.

Palebah aya anggota nu can mayar atawa teu bogaeun duit, wayahna panicia kudu nalangan pangmayarkeun. 

Tah sarua gening katempuhan buntut maung. Ulah hayang amisna wungkul. 

Dina arisan mah tibalik nu pangpandeurina meunang, eta alus pisan lain nupangheulana.

Atuda ladang duit hasil meunang arisan teh dipake mayaran tuluy tuluyan hantem murudul nepi Ka lekasan, kaburu beak manten.

Sedengkeun anu pangpandeurina kari nampa moal kudu mayar lantaran arisan parat.

Panicia arisan nyatet daftar ngaran ditulis dina keretas, make gunting dipotongan leutik. 

Tuluy digelang ku dua leungeun ngarah buleud panjang diemple emple ipis.

Diasupkeun Kana gelas talian ku karet, dituruban ku lamak Atawa plastik anu luhurna bolong. Gelas eusi daftar ngaran teh dikoclok digeol geol ditonggengkeun dikaluarkeun hiji hiji. Saha wae nu terakhir kaluar kertas eta nu meunang.

Waktu arisan lumangsung Aya anu sabulan sakali. Dua bulan sakali. Saminggu sakali, dua Minggu sakali Jeung saterusna.

Arisan kulawargi

       

     Salah sahiji arisan anu kalintang penting pikeun ngaraketkeun duduluran babarayaan saturunan panca kaki, taya Lian arisan kulawarga.  

Anu kaasup didieu nyaeta Aki, Nini, indung, bapa, emang, uwa, dahuan, Adi beuteung, budak emang disebut kapiadi, budak uwa disebut kapilanceuk, lanceuk, Adi, teteh ,Ayi Kahandapna incu. 

Lamun Dina istilah Sunda dulur sabrayna, dulur teges, masih keneh getih saturunan incu ti pihak eyang aki nini, deukeut silsilah kulawargana.

Sababaraha alesan teu bisa patepung

   Ku kasibukan padetna jadwal katungkulkeun ku pacabakan ditambah deuih ngurus budak. Anggang jarak padumukan diantara papada dulur, beda kota beda provinsi, ngalantarankeun atah anjang awis tepang.

Aya nu nganjrek masih sabudeureun deukeut jeung dulur na sa kompleks atawa teu jauh ka imah indung bapa Atawa ka aki nini.

Pangna kitu alesan nu kaharti, matak hese hayang Panggih ngariung. Rajeun paamprok taun kali, arang pisan. Ari lain lebaran idul Fitri halal bihalal. 

Bisa soteh guk gok jeung dulur dumeh maksakeun silaturahmi dina acara ondangan hajatan kawinan, nyunatan atuh kadituna nungkulan ta'ziyah, papait tilar dunya.

   Salah sahiji cara paling matih efektif bisa ngariung Jeung kulawarga nyaeta ku jalan arisan.

Disagedengeun ngumpul bareng patepung lawung silaturahmi, Aya arep arepeun kabahanan duit. Sarerea pada mafhum Saha nu teu hejo kabita. Sakumaha hoream cape anggang boh jauh ngahadiran arisan, ari ku duitmah serah bongkokan maksakeun indit dijugjug diteang.

Sawareh pikeun anu teu bisa datang halangan teu hadir, cukup transfer ATM Kana nomer rekening Bank anu geus di tangtukeun.

Sanajan ajen nilai duit arisan teu sabaraha. Beak ku ongkos teu saimbang jeung beubeunangan, tapi lumayan ku duit sakitumah kaubaran teu panasaran. 

Nu leuwih penting nyaeta bisa ngariung paamprok jongok silaturahmi Jeung papada dulur Baraya. 

Kadituna silih wanohkeun ngenalkeun nuduh nuduhkeun emang teh numana, saha  ka anakna. Ieu teh uwa bapa ngarana anu, linggih di daerah ditu, Tah awewe ieu budakna, Pagaweana anak uwa nyaeta alo di dinas kebudayaan umpamana. 

Kulawarga anu saturunan silsilah rundayan nyahoeun, moal pareumeun obor. 

Generasi leungit musnah ilang jalaran teu puguh jujutan lebeng taya laratanana.

Ulah nepika teu jelas teu nyaho taya nu ngabejaan numana tempatna saha teu apal apal acan katalian dulur sabondoroyot, sabab penting pisan ngajaga citra martabat turunan nyambung lalakon ka anak incu nu bakal datang.

Yang penting bahagia

    Kecap asal bahagia. Babasan nu penting Bagja cenah. Kiwari geus jadi kacapangan sempal guyon lamun Dina riungan kumpulan boh Dina kahirupan sapopoe, Atawa obrolan di Dunya maya.

Bagja Atawa kabagjaan pikeun sawareh manusa anu kumelendang di alam dunya,

Justru mangrupakeun cita - cita hirupna.

Maranehna boga anggapan yen nungarana Bagja ku jalan miboga harta Banda.

Turunan rendey kayaning anak incu

kulawargana lengkep. 

Geus teu kaitung Kandaraan mobil motor ngabarak patulayah di garasi.

Ditambah deui kebon tanah lain bukur teu kacatur dimamana. Sawah manghektar - hektar.

Loba pisan sawatara jalma tarekah,

Muter uteuk lamunan kumaha carana Sangkan tujuan akhir Aya Dina kabagjaan.

Ukuran Wates Atawa patokan nungaran bagja kasenangan teh sabenerna relatif teu mutlak.

Pikeun jalma nu resep nguseup, atoh soteh bungah hate nalika clom giriwil meunang lauk.

Jeujeur eupan kurunyud ngageter. 

Reuwas ngarenjag pagaliwota nu diimpleng nyanggut. Bungah Bagja seuri ngabarakatak.

Tangtuna Patani Bagja gumbira Taya papadana lamun nempo pare nyedek dibuat sakeudeung deui. Ladang hese cape papanasan bebelokan ancrub guyang leutak kaubaran. Mangkaning pare koneng aman teu diganggu ku hama wereng, bebas euweuh beurit ngagalaksak.

Pon Kitu deui, Guru meunang kabagjaan nalika murid anu salila mangtaun - taun diatikna. 

Ku pinuh rasa tanggung jawab. Ku kasabaran mere elmu pangaweruh di bangku sakola.

Katempo buahna kapetik hasil nepika junun. Guru reueus yen muridna jadi jalma sukses.

Naon atuh anu disebut Bagja Atawa kabagjaan teh? kumaha di Saha Jeung 

ngahontal kabagjaan ku cara Jeung naon 

Ciri - ciri jalma anu Bagja ?

Definisi bahagia 

Kata bahagia menurut KBBI, ba-ha-gia adalah keadaan atau perasaan senang dan perasaan tenteram yang di mana dalam kondisi bebas dari segala hal yang menyusahkan hidup kita.28 Mar 2022

Menurutnya kebahagiaan adalah penilaian individu terhadap kehidupannya melibatkan kepuasan hidup. Terdapat pula afek positif dan negatif. Kehidupan sosial. Orang yang sangat bahagia adalah orang yang memiliki kehidupan sosial yang baik dan sering melakukan sosialisasi.10 Feb 2021.

Nu dimaksud Bagja saenyana cicingna jiwa akal hate kalayan tingtrim marahmay bear budi. Sugema euweuh bangbaluh karungsing ku pasualan hirup, numatak ripuh. 

Tara mawa sipat kukulutus loba energi positif. 

Aura wijaksana katempo Dina nyanghareupan naon wae masalah. 

Miceunan jauh energi negatif tanpa paksaan.

Estuning Karasa Hampang jembar pinuh ku kanikmatan. Senang bungah tanpa syarat euweuh paksaan. 

Tumaninah akal pikiran hate

Jalma Bagja teu weleh sehat secara sosial masyarakat. 

Ciri - ciri orang bahagia

Dicutat Tina portal fimela.com

Aya 8 tanda jalma anu meunang kabagjaan hirup.

1. Rasa syukur 

Tumarima Kana kaayaan anu Tumiba Kana dirina. Leuwih mentingkeun rasa syukur naon rupa anu geus dipibanda anu kahontal, daripada rieut puyeng mikiran target anu hese Banga tinekanan.

2. Ucapan terima kasih 

Jalma Bagja ngajenan mere poin ku jalan nganuhunkeun teu poho Kana jasa cukang lantaran Batur. sanajan leutik meh teu karasa.

Ku cara mere kodeu isyarat. Boh Keprok ngarangkul sasalaman Atawa ku basa ku carita nangkeup awakna Jeung sajabana.

3.Hidup untuk Saat Ini

Bisa ngaleupaskeun mangsa Ka tukang heubeul nugeus lawas. Moment waktu Kiwari kudu dingeunah-ngeunah kalayan pinuh ku kabungah kumaha wae carana.

Teu kajiret bingung pusing mikiran kumaha masa depan pikahareupeun bakal karandapan nu bakal kasorang. 

4. Berbaik hati

Jalma bagja nyaeta jalma anu sok malire paduli, hurmat, resep nulung Kanu butuh nalang Kanu susah. Maranehna Tara ogo teu olo- olo timburu sirik pidik jail kaniaya, Komo deui jauh pisan kasebut sulit ati belang Bayah kecemburuan dumeh Batur hirup senang loba harta Banda.

5. Memiliki selera humor yang tinggi

Jalma Bagja biasana tukang banyol heureuy pikaseurieun. Rengkak paripolah omongan sikepna teu weleh lucu. Batur kataji kabandang sabab manehna boga bahan obrolan dibarengan akey akeyan helok Aya wae hiji hal ngandung humor.

6. Percaya diri

Realistis apa adanya. Saaya Aya Kana kamampuhan sorangan yakin bisa ngungkulan pasualan hirup sakumaha hese Oge moal nyusahkeun Komo deui nepika ngariweuhkeun Batur.

7. Bisa beradaptasi

Ngaluyukeun menyesuaikan diri Jeung lingkungan.

Pindah cai pindah tampian (artinya: bahasa Sunda: ngaluyukeun diri kana adat jeung kabiasaan di tempat anyar;

Natangga hirup campur gaul pagiling gisik Jeung masyarakat.

8. Optimis

Sikep gede hate jembar pikiran lega wawasan. Teu leutik hate teu heureut pikir, dibarung ku lapang dada.

Hate jeung uteuk na teu weleh kebek ku rasa yakin optimis Kana kahadean kacumponan nyongcolang nudipikahayang. 

Kasimpulan

Cindekna, kabagjaan hiji hal nu dipikahayang diarep- arep enteup di diri manusa.

Bagja ukurana lega luas lain mangrupa materi hungkul. Moal kahontal ku harta banda pangkat Jeung jabatan. Teu bisa dibeuli, Ngan bisa dirasakeun ku diri sorangan lain ceuk Batur.

Nurutkeun pamanggih kaol pendapat yen Manusa geus kaasup Bagja lamun boga dalapan ciri tanda, sakumaha disebutkeun diluhur tadi. 

Rasa syukur. Ucapan terima kasih.

Hidup untuk saat ini. Berbaik hati.

memiliki rasa humor yang tinggi.

Percaya diri. Bisa beradaptasi. optimis.

Saurang jalma pamohalan mustahil 

Dina dirina ngawengku sakabeh dalapan ciri, Minangka tanda manehna Bagja.

Ilaharna jamak memang Manusa mahluk anu teu sampurna pinuh ku kalemahan kakurangan.

Bagja teh saestuna relatif. Ukuran Atawa patokana moal Aya nu sarua. Ceuk Batur si eta meni Bagja hirup Aya Dina kasenangan. 

Tapi gening pasangka sangka Atawa babaledogan.

Jalma jegud harta pohara loba.

Disangka ku Batur mah senang tingtrim.

Padahal saenyana jalma beunghar eta sabalikna. Hirup manehna hapa ngajerit maratan langit ngoceak maratan jagat sedih kabina bina, kesepian jauh Tina kabagjaan.

Jalma basajan cukup saaya - Aya. 

asal bisa dahar sare tibra. 

Sangkaan Batur si etamah malarat sarwa kakurangan, ripuh sangsara.

Henteu Kitu pikeun jalma basajan mah. 

Santai Tara milu rupekna mikiran hirup. Dibawa nyalse seuseurian humor, bungah.

Singhoreng Profesi pacabakan naon wae nu dilakonan saurang jalma,

Sabenerna gumantung Kana pandangan anggapan diri sorangan ngeunaan hirup. 

Teu kudu kumplit kacumponan dalapan syarat cirining hirup Aya Dina kabagjaan.

Yang penting bahagia memang asal keun Bae nuaya nubisa nugampil kacumponana numutkeun standar pribadina. mawa kabungah leupas Tina masalah saheulaananmah, syaratna teu kudu Kabeh.

Asal Aya salah sahiji unsur sanajan Ngan saukur bisa ngucapkeun ngedalkeun ku rasa syukur nikmat. Aktif gaul interaksi Jeung warga sabudeureunana.

Manehna geus kaasup golongan jalma Bagja.

Komo deui dibarengan rasa pasrah sumerah kalayan ku pikiran positif ngeunaan Mandang hirup anu sakitu hese ripuh seuseutna. Manehna kalahka Hampang pikiran teu balueng. 

Euweuh bangbaluh rudet rungsing Nyeungseurikeun nasib anu Tumiba Kana dirina sorangan. Nikmat nyalse Sugema teu ngarasa ditutur tutur ku rasa bingung.

Optimis gede hate jalan hirup nu bakal kasorang, yakin percaya diri tinemu bisa ngungkulanana.

Sikep bungah bijil rasa Bagja balukar tina ngaleupaskeun hormon endorfin, nudisebut kanikmatan genah merenah tumaninah tanpa syarat no problem.