Lamun urang keur aya di masjid sabot ngadagoan komat, sok aya salah saurang ngahariring pupujian,
boh pupujian dijero masigit ti kajauhan kadenge hawar - hawar. Aya deui anu sok dihaleuangkeun lamu keur di madrasah, nungguananu sejen daratang atawa ustzad mere pelajaran.
Utamana eusi kaagamaan pepeling papatah hirup kudu dina kaayaan bener ngajalankeun parentah agama jeung darigama pikeun kasalametan di dunya jeung aherat.
Pupujian teh nyaeta puisi buhun anu ngandung nyoko kana ajaran agama islam. Asalna tina sa'ir ata-wa si'ir. Nyaeta puisi anu asalna tina bahasa arab.
pupujian diwangun ku opat padalisan dina sapadana, sarta dina sapadalisanana diwangun ku dalapan engang. Tapi aya oge anu diwangun ku dua padalisan dina sapadana ; genep padalisan dina sapadana, jeung sajabana.
Purwakanti dina pupujian umumna purwakanti laras wekas atawa murwakanti ditungtung.
contona ;
Geuning maot ngadodoho, -ho
boro sok dipopoho, -ho
datangna teu mere nyaho -ho
ngageretak taya tempo -ho
conto sejenna
Anak adam naha anjeun henteu sadar, -ar
hirup di dunya teh moal megar, -ar
pupujian oge sok disebut nadom. boh sacara lisananu sok diucapkeun ku para santri jeung barudak dialajar di madrasah.
Pungsi pupujian secara gurat badag nyaeta ngabogaan ekpresi jeung pungsi sosial.
anu dimaksud ekspressi didieu hartina ngebrehkeun kereteg ati si pangarang.
Sedengkeun pungsi sosial nyaeta pikeun mere pangajaran atawa mepelingan ka balarea. Tapi dina kamekaranana pungsi sosial leuwih gede tibatan pungsi ekpressi.
ditilik dibandunganmah pupujian bisa diwilah - wilah kana sababaraha bagian diantarana nyaeta ;
a. Muji ka Gusti Alloh
conto, Ya Alloh nu sipat rohman,
ni'matna ngawalatraan,
sadayana kabagian.
kanu kapir ka nu iman.
b. Sholawat ka Kanjeng Nabi
conto Rohmat Alloh salam Alloh,
ka Toha utusan Alloh,
rohmat Alloh salam Alloh,
ka Yasin kakasih Alloh.
c. Du'a jeung tobat ka Pangeran
contona Mugi Gusti ngahampura,
kana dosa jisim abdi,
sareng dosa ibu rama,
dulur muslimin - muslimat.
d. Pepeling
contona Eling - eling dulur kabeh,
ibadah ulah campoleh,
beurang peuting ulah weleh,
bisina kaburu paeh.
e. Ajaran Agama
contona Pardu wudu aya genep sadayana,
hiji niat kadua ngumbah beungeutna,
tilu ngubah leungeun dua jeumg sikuna,
opat ngusap saeutik tina sirahna,
lima ngumbah suku dua jeung muncangna,
genep tartib sing puguh runtuyanana.
